Səyahət sizin üçün yeni dünyaların qapısını açan açardır. Səyahət edərkən nəinki öyrənirsən, həm də öyrəndiklərini danışıb yazmaq, insanlara bu məlumatları, gözəllikləri ötürmək həvəsinə gəlirsən.
Səyahətin sizə verə biləcəyi ən yaxşı şeylərdən biri dünyanın hər hansı bir ölkəsindən, şəhərindən, kəndindən bir məlumat və ya qaydanı, yerli əhalinin inandığı tabe olduğu nəyisə öyrənməkdir. Bəzən işıqforun nə demək olduğunu öyrənməlisən, bəzən başqa bir səs siqnalının sənin üçün nə demək olduğunu, bəzən yerli əhalinin dilini, inancını, mədəniyyətini bilməlisən.
Uçuş qapısına çatmaq üçün nə qədər vaxtın lazım olduğunu bilmək
Hər hansı bir yerə təyyarə ilə uçmazdan əvvəl, əgər daha öncə həmin ölkədə olmusunuzsa, uçuş qapısına çatmaq üçün neçə dəqiqə lazım olduğunu bilirsiniz. Terminallarda gəzinti vaxtını bilmək vaxtınıza qənaət etmək üçün ən vacib məsələlərdəndir. Nəticə etibarilə, vaxtınıza uyğun hərəkət etdiyiniz zaman stress də keçirməyəcəksiniz.
Təyyarədə səs siqnalının nə demək olduğunu bilmək
Yalnız əsl səyyah təyyarənin içindəki siqnal səslərinin nə demək olduğunu, kabin heyətində olmadan və ya uçuş təlimi almadan bilə bilər.
Ən azı bir dəfə təyyarədə olmuş şəxs uçuşdan əvvəl paylanan məlumat kartlarından və ya kabin heyətinin izah etdiyi uçuş qaydalarından, uçuşdan əvvəl və sonra nə edəcəyini, istənilən vəziyyətdə nə götürməli olduğunu bilir. Ancaq təyyarədəki siqnalları başa düşmək o qədər də asan deyil. Əsasən, səs siqnalları (boings və ya dings) ekipaj arasında bir əlaqə sistemidir və aviaşirkətdən asılı olaraq fərqli şeyləri ifadə edir.
Bəzi təyyarələr uçuşdan sonra ekipajın eniş qurğusunun geri çəkildiyini bildirmək üçün səs çıxarır. Növbəti səs-küy təhlükəsizlik kəmərinin bağlanıb bağlanmama işarəsi ilə bağlıdır. Üç aşağı zəng melodiyası (təcili mesaj) heç kimin eşitmək istəmədiyi səsdir - xüsusən də içki içmək üzrəsinizsə. Əsl səyyah bütün bu səslərin nə demək olduğunu bilir.
Bir çox dillərdə salam vermək
Səyahətçilər gedəcəkləri ölkənin salamlaşma rituallarını istər-istəməz öyrənəcəklər. Səyahətçisinizsə, getməzdən əvvəl getdiyiniz ölkədə bəzi sözlərə baxacağınıza əminik, amma baxmasanız belə, kafe, muzey və ya hər hansı bir yerə getdiyiniz zaman qarşılaşacağınız sözlər olacaq və həmin sözlər yaddaşınızda qalacaq, daha sonra da sizə tanış gələcək.
Məsələn, salam mənasını verən "salam", "aloha", "ciao", "hola" və s.
Vaxt fərqini bilmək
Əmin ola bilərsiniz ki, ekstremal səyyah çox detallı bir hesablama aparmadan dünyanın o tayındakı saat qurşağını anında biləcək. Bu biliyi öyrənmək üçün yalnız həqiqətən yaxşı səyahətçi olmaq lazımdır.
Təyyarənin növünü onun formasından anlamaq
Səyahətlə bağlı əyləncəli şeylərdən biri də uçacağınız təyyarənin növünü bilməkdir. Təyyarənizi havaya qaxlmamışdan əvvəl görəndə onun Boeing və ya Airbus olduğunu biləcəksiniz. Əlbəttə, bunun üçün də çox uçmuş və səyahət etmiş olmalısınız.
İpucu dərəcələrini bilmək
Bəzi ölkələrdə bəxşiş vermək məcburidir, bəzilərində isə bu sizdən asılıdır. Məsələn, ABŞ-da restoranda bəxşiş vermək məcburi ola bilər, İtaliyada isə bu, etiket kimi tanınır. Əgər əsl səyahətçisinizsə, bunu harada edəcəyinizi bilirsiniz.
Pulsuz tapas üçün hara getməyi bilmək
Əvvəla onu qeyd edək ki, tapas İspaniyada çox məşhurdur və yemək növü deyil. Spirtli içkilər içməyi sevirsinizsə, içkinin yanında verilən atışdırmalıqlardır, məsələn, pendir növləri, dəniz məhsullarından qarışıq bir şeylər, qızardılmış atışdırmalıqlar və s.
Restorana getdiyiniz zaman az pul xərcləmək istəyirsinizsə, Granada şəhəri getmək üçün doğru yerdir. Bu şəhər İspaniyada pulsuz tapas ənənəsini yaşadan yerlərdən biridir.
Valyutaların kovertasiyası
Səyahət etməyin başqa bir üstünlüyü ondan ibarətdir ki, siz valyutaları asanlıqla hesablaya bilərsiniz. Gündəlik dəyişsə də, əgər siz İsveçdəsinizsə, dərhal 1 İsveç kronunun orta hesabla nə qədər olduğunu düşünəcəksiniz.
Dünya coğrafiyası haqqında çox şey bilmək
Dünya göllərininin təxminən 60%-nin Kanadada olduğunu bilirdinizmi? Əgər əsl səyahətçisinizsə, əlbəttə bəli. Yoxsa Liviyanın böyük hissəsi, təxminən 90%-i səhradır? Bəs Norveçin "Å" (aw kimi tələffüz olunur) adlı kəndi olması haqqında nə demək olar? Əsl səyyahsınızsa, təəccüblənməyəcəksiniz.